ქართლის წამყვანი თეთრი საღვინე ჯიშია, რომელიც მთელს რეგიონშია გავრცელებული (ქვემო ქართლში, მცხეთა-მთიანეთში, შიდა ქართლში). მისგან ტრადიციულად ძალზე ჰაეროვან, დახვეწილ თეთრ ღვინოებს აყენებენ, თუმცა ხშირად სრულ ჭაჭაზე დავარგებული ჩინურებიც გვხვდება. ქართლის ზოგიერთ მხარეში გორულ მწვანესთან ან თავკვერთან ერთადაც წურავენ. ერთ-ერთი საუკეთესო ჯიშია ცქრიალა ღვინისთვის. ჩინური ადგილწარმოშობის დასახელების ღვინის, ატენურის უმთავრესი მონაწილეა.

საუკეთესო ადგილები - ატენი, ოკამი, მუხრანი, ლამისყანა, ბიწმენდი, ჯიღაურა, ტეზი, მეჯვრისხევი, ხიდისთავი, ძალისი.