ქართული მევენახეობა-მეღვინეობის სიმბოლო, ქვეყნის უპირველესი ჯიში, რომელიც ყველაზე მეტადაა გავრცელებული. ამ კახურ ჯიშს ქართლშიც შეხვდებით და საქართვლოს სხვა რეგიონებშიც, მათ შორის, აფხაზეთშიც. ერთ-ერთი უპირველესი ჯიშია ქვვრის ტრადიციული ქარვისფერი ღვინისთვის, თუმცა მისგან დგება შესანიშნავი კლასიკური ღვინოებიც. კახელები ხშირად წურავენ მწვანე კახურთან ერთად. ადგილწარმოშობის დასახელების ღვინო წინანდალში წამყვანი როლი (მწვანე კახურთან ერთად) რქაწითელს აკისრია.

საუკეთესო ადგილები - კარდანახი, წინანდალი, ტიბაანის და სხვა ცნობილი ადგილების გარდა მთელი კახეთიც შეგვიძლია ვიგულისხმოთ, გარე კახეთიდან (ივრის ველი) - ალაზნის ველის ჩათვლით, ახმეტიდან დედოფლისწყარომდე.

ჩვენი ღვინისა და კერძის შეხამება

ეს ჭაჭაზე 6 თვის მანძილზე დავარგებული ღვინო დახვეწილობით გამოირჩევა, ამიტომ ხაჭაპურთან და მსუბუქ ყველებთანაც კარგი იქნება, თუმცა შემწვარ ფრინველსა და მოხარშულ საქონლის ხორცსაც მოიხდენს.

მეთოდი: ქვევრის ტრადიციული კახური ღვინო, 6 თვე ჭაჭაზე დავარგებული

ადგილი: კახეთი, გურჯაანის მუნიციპალიტეტი

ჯიში: რქაწითელი

ალკოჰოლი: 14%

ფერი: ოქროსფერი

სურნელი: ხალასი, ცოცხალი არომატები აქვს, სადაც ხილის (მწიფე მსხლის) და ტროპიკული ხილის (ბანანი) ტონებია წამყვანი.

გემო: ძალზე ელეგანტური, მსუბუქი ტანინების მქონე დასამახსოვრებელი ღვინოა ხანგრძლივი დაბოლოებით.

მიტანის ტემპერატურა: 11–13°