დააგემოვნეთ ქართული ისტორია
ᲡᲐᲤᲔᲠᲐᲕᲘ 2019
მსოფლიოში ალბათ ყველაზე ცნობილი ქართული ჯიშია. საქართველოში საფერავს წითელყურძნიანებს შორის ვერც ერთი ჯიში ვერ შეედრება გავრცელებაში და რქაწითელივით, კახეთის გარდა, ისიც ბევრგან გვხვდება. მაგ. განთქმულია რაჭული საფერავი. საფერავი მთელს კახეთშია გაშენებული და ერთმანეთისგან ძალზე განსხვავდება ყველა მხარის საფერავი, თუმცა მისი ცნობა რთული არაა, საფერავის გემო და სურნელი დაუვიწყარია. საფერავიდან ქვევრშიც აყენებენ ღვინოს და განთქმულია საფერავიდან დაყენებული კლასიკური ღვინოებიც, მათ შორის, მუხაში დავარგებულებიც. საფერავიდან დგება ცნობილი ადგილწარმოშობის ღვინოები - მუკუზანი, ნაფარეული, ახაშენი, ქინძმარაული, ყვარელი.
საუკეთესო ადგილები - მუკუზანი, ახაშენი, ნაფარეული, კონდოლი, ენისელი, ქინძმარაულები, შილდა, ყვარელი... ამ და სხვა ცნობილი ადგილების გარდა, აქაც, რქაწითელივით, მთელი კახეთი შეგვიძლია ვიგულისხმოთ, გარე კახეთიდან (ივრის ველი) ალაზნის ველის ჩათვლით, ახმეტიდან დედოფლისწყარომდე.
ჩვენი ღვინისა და კერძის შეხამება
ჩვენი საფერავი პირველ რიგში საქონოლის სტეიკის ღვინოა, თუმცა ღორის მწვადთანაც შესანიშნავია. არ უნდა დაგვავიწყდეს ცხვრის მწვადიც.
მეთოდი: ქვევრის ტრადიციული კახური ღვინო
ადგილი: კახეთი, გურჯაანის მუნიციპალიტეტი
ჯიში: საფერავი
ალკოჰოლი: 13,5%
ფერი: შინდისფერი
სურნელი: კომპლექსური არომატებით ხასიათდება, სადაც შავ ხილსა და კენკრასთან ერთად მცენარეულ ტონებსაც ამოიცნობთ (მაგ. ღვია).
გემო: ძალზე სასიამოვნო მჟავიანობის მქონე ძლიერი, მხურვალე ღვინოა ხანგრძლივი დაბოლოებით.
მიტანის ტემპერატურა: 16–18°