ქართლის წამყვანი წითელი საღვინე ჯიშია, რომელიც მთელს რეგიონშია გავრცელებული (ქვემო ქართლში, მცხეთა-მთიანეთში, შიდა ქართლში). მისგან შედარებით მსუბუქსხეულიანი, ძალზე გემრიელი, დაუვიწყარი არომატის მქონე წითელი ღვინოები დგება. ქართლელები ხშირად წურავენ ჩინურთან და გორულ მწვანესთან ერთად. მისგან ვარდისფერ ცქრიალა ღვინოსაც აყენებენ.

საუკეთესო ადგილები - მუხრანი, ხიდისთავი, ატენი.

ჩვენი ღვინისა და კერძის შეხამება

მიაყოლეთ ჩაშუშულებს, ჩახოხბილებს, ქართლურ კერძებს, ბუღლამას და სხვ. რა თქმა უნდა, შემწვარ ფრინველთანაც კარგია და ღორის მწვადთანაც, ამოლესილ ლობიოსთან, ასევე ძეხვეულთან.